काठमाण्डौ । सर्वोत्तम सिमेन्टको साढे २५ लाख कित्ता शेयरको लकइन अवधि आउँदो भदौ २५ गतेमा सकिने हुने भएको छ।
बुक बिल्डिङ विधिबाट शेयर जारी गर्दा योग्य संस्थागत लगानीकर्तालाई बाँडफाँट गरिएको २४ लाख कित्ता र सर्वसाधारण छुट्याइएको शेयरबाट ५ प्रतिशतले हुन आउने सामूहिक लगानी कोषलाई बाँटफाँट गरिएको १ लाख ५४ हजार २२७ कित्ता गरी कुल २५ लाख ५४ हजार २२७ कित्ता शेयरको लकइन अवधि सकिने भएको हो।
सर्वोत्तम सिमेन्टले सर्वसाधारणलाई आइपीओ बिक्री गरी २०८० फागुन २५ गते बाँडफाँट गरेको थियो । नियामकीय व्यवस्थाबमोजिम त्यस्ता शेयर बाँडफाँट भएको मितिले ६ महिना लकइनमा राख्नुपर्ने हुन्छ। सोही कारणले आउँदो भदौ २५ गते ६ महिना पुगेपछि लकइन सकिनेछ।
