काठमाडौं । काठमाडौंबाट रसुवाको स्याफ्रुबेसी उडेको एयर डाइनेस्टीको हेलिकप्टर दुर्घटनाग्रस्त भएको छ। दुर्घटनामा हेलिकप्टरमा सवार सबै ५ जनाको मृत्यु भएको छ।
शिवपुरी गाउँपालिका–७ सूर्यचौर क्षेत्रमा हेलिकप्टर दुर्घटनामा परेको हो। बुधबार दिउँसो १ बजे ५४ काठमाडौंबाट रसुवातर्फ उडेको एयर डाइनेष्टीको नाइन एन–एजेडी कलसाइन भएको दिउँसो २ बजेतिर दुर्घटनामा परेको हो। उडेको तीन मिनेटपछि हेलिकप्टर सम्पर्कविहीन भएको थियो।
दुर्घटनास्थलमा ५ जनाको शव फेला परेको जिल्ला प्रहरी कार्यालय नुवाकोटका डीएसपी तिलक भारतीले बताए। ‘४ जना चिनियाँ नागरिक र एकजना नेपालीको शव फेला परेको छ’, उनले भने।
हेलिकप्टर पाइलट अरुण मल्लले उडाएका थिए।
