काठमाडौं । शेयर बजारमा राजनीतिक प्रभाव पर्दा आज लगानीकर्ताले ठूलो धनराशि गुमाउनु परेको छ।
शेयर बजारप्रति नेताहरुको अभिव्यक्तिको मार आज लगानीकर्ताले खेप्नुपरेको हो। आज शेयर बजार परिसूचक नेप्से १४५.०५ अंकले घटेर २६५१.३२ को विन्दुमा झरेको छ। बजारमा पहिरो जाँदा लगानीकर्ता आज एकैदिन सवा २ खर्ब बढी रुपैयाँ गुमाएका छन्।
भारी अंकको गिरावटका साथै नेप्सेको कुल बजार पुँजीकरण घटेर आज ४२ खर्ब ८ अर्ब ४६ करोड ९५ लाख रुपैयाँमा झरेको छ। हिजो कुल बजार पुँजी ४४ खर्ब ३८ अर्ब ७२ करोड २१ लाख रुपैयाँ थियो। योसँगै लगानीकर्ताको २ खर्ब ३० अर्ब करोड २५ लाख रुपैयाँ स्वाहा भएको छ।
आज बजारमा २३ अर्ब ७१ करोड ६७ लाख रुपैयाँ बढीको कारोबार भएको छ। योसँग शेयर बजारमा दैनिक कारोबारले नयाँ कीर्तिमान कायम भएको छ। यसअघि गत साउन १६ गते २१ अर्ब ९१ करोड रुपैयाँबराबरको कारोबार भएको थियो। जुन हालसम्मकै उच्च थियो र आज तोडिएको छ।
