काठमाडौं । वर्ल्डलिंकले दुईमा चार अफर ल्याएको छ । एकै पटक दुई वर्षको पैसा तिर्दा वर्ल्डलिंकको २०० एमबीपीएस गतिको इन्टरनेट मासिक ७५० रुपैयाँमै पाउन सकिने भएको छ । कम्पनीले नियमित नयाँ तथा पुराना ग्राहकका लागि आकर्षक अफरसहित मूल्यसमेत सस्तो पर्ने ‘दुईमा चार अफर’ सार्वजनिक गरेको हो ।
वर्ल्डलिंकको यस अफरमा सहभागी हुने ग्राहकले इन्टरनेटको नियमित प्याकेजमा २९ प्रतिशत छूट पाउनुका साथै नोकिया डुअल ब्यान्ड राउटर, दुई ओटा नोकिया बिकन १.१ र नेटटिभी एन्ड्रोइड सेटटप बक्ससमेत सित्तैमा पाइने जनाइएको छ । जसका लागि ग्राहकले इन्टरनेट सेवाको लागि १७ हजार ९९० रुपैयाँ (भ्याट बाहेक) तिरे पुग्नेछ भने सम्पूर्ण डिभाइसहरूको डिपोजिट छुट्टै तिर्नुपर्ने जनाएको छ ।
त्यस्तै,२५० एमबीपीएस र ३०० एमबीपीएस गतिको इन्टरनेटका लागि समेत कम्पनीले २४ महिने प्याकेज तयार पारेको छ । जसको मूल्य क्रमशः १९ हजार ४९० रुपैयाँ र २२ हजार २९० रुपैयाँ छ । यद्यपि २००, २५० र ३०० एमबीपीएस गतिका प्याकेजहरू तीन महिना, छ महिना वा १२ महिना मध्ये आफ्नो अनुकूलतामा लिन सकिने विकल्प यथावत नै छन् ।
जसअनुसार २०० एमबीपीएसको इन्टरनेटको मूल्य तीन महिनाका लागि ३ हजार ३०० रुपैयाँ, छ महिनाका लागि ६ हजार ४०० रुपैयाँ र १२ महिनाका लागि १२ हजार ६०० रुपैयाँ पर्न आउने कम्पनीले जनाएको छ ।
यता, २५० एमबीपीएसको तीन महिने प्याकेजको मूल्य ३ हजार ६०० रुपैयाँ, छ महिने प्याकेजको ७ हजार रुपैयाँ र वार्षिक प्याकेजको १३ हजार ८०० रुपैयाँ छ । यस बाहेक ३०० एमबीपीएसका लागि भने तीन महिनाका लागि ४ हजार ५० रुपैयाँ, छ महिनाका लागि ७ हजार ९०० रुपैयाँ र एक वर्षका लागि १५ हजार ६०० रुपैयाँ शुल्क पर्ने कम्पनीले जनाएको छ ।
