काठमाडौं । त्रिभुवन विमानस्थलबाट पोखराका लागि उडेको सौर्य एयरलाइन्सको जहाज क्षणभरमै खसेको जानकारी प्राप्त भएको छ।
सौर्य एयरको ९ एनए एमई कल साइन भएको पोखराका लागि उडेको तर उड्नेबित्तिकै खसेको विमानस्थल सुरक्षा कार्यालयले जनाएको छ। ‘अहिले हामीलाई त्यति नै जानकारी आएको छ’, कार्यालयका एक अधिकारीले भने।
जहाजमा आगो लागेको छ। धुँवाको मुस्लो उडिरहेको छ। ‘घटनास्थलमा उद्धार टोली परिचालन भइसकेको छ’, ती अधिकारीले भने।
विमानमा कतिजना सवार थिए भन्ने कुरा खुलेको छैन।
