काठमाडौं । सिटी एक्सप्रेस मनी ट्रान्सफरले आफ्नो स्थापनाको १७ वर्ष सफलतापुर्वक सम्पन्न भएको छ । कम्पनीले १७ वर्ष पुरा गरेर १८औं वर्षमा प्रवेश गरेको अवसरमा केन्द्रीय कार्यालयमा रक्तदान कार्यक्रम सम्पन्न गरेको छ ।
“रक्तदान गर्नुहोस् , जीवन दान दिनुहोस्” मूल नारासहित सिटी एक्सप्रेस मनी ट्रान्सफरले रक्तदान कार्यक्रम सम्पन्न गरेको हो । सिटी एक्सप्रेस मनी ट्रान्सफरले आफ्नो संस्थागत सामाजिक उत्तरदायित्व अन्तर्गत खुला रक्तदान कार्यक्रमको आयोजना गरेको हो । सिटी एक्सप्रेसको कमलादीस्थित आफ्नै मुख्य कार्यलयमा रक्तदानका लागि रक्तदाताहरुको उल्लेख्य सहभागिता थियो ।
कार्यक्रममा सिटी एक्सप्रेसका ब्राण्ड एम्बेसडर तथा चर्चित हास्य कलाकार जितु नेपालको पनि उपस्थिति थियो । सिटी एक्सप्रेस मनी ट्रान्सफरले रेमिटेन्स क्षेत्रमा आफ्नो छुट्टै पहिचान बनाउँदै विगत १७ वर्षदेखि संसारभरबाट विप्रेषण सेवा प्रदान गर्दै आएको छ ।
