काठमाडौं । नेपाल बीमा प्राधिकरणको बोर्ड सचिवको जिम्मेवारी सुशीलदेव सुवेदीलाई दिइएको छ।
प्राधिकरणका अध्यक्ष सूर्यप्रसाद सिलवालले निर्देशक सुवेदीलाई बोर्ड सचिवको जिम्मेवारी दिएका हुन्। यसअघि बोर्ड सचिवको जिम्मेवारी निर्देशक दिनेशलाल कर्णले सम्हाल्दै आएका थिए। जेठ ३२ गते कर्णको अनिवार्य अवकाश भएको छ।
भोलिबाट सुवेदीले बोर्ड सचिवको जिम्मेवारी सम्हाल्ने छन्। हाल प्राधिकरणको प्रवक्ताको जिम्मेवारी पनि निर्देशक सुवेदीले नै सम्हाल्दै आएका छन्।
