काठमाडौं । लोकसेवा आयोगको सहमति अनुसार निक्षेप तथा कर्जा सुरक्षण कोषले विभिन्न पदका लागि खुला प्रतियोगिता मार्फत स्थायी पदपूर्ति गर्ने भएको छ । कोषले आन्तरिक प्रतियोगितातर्फ सेवा समुह प्रशासनमा छैठौं तहको सहायक अधिकृत एक जना माग गरेको छ ।
त्यस्तै, खुला प्रतियोगितातर्फ प्रशासनमा आठौं तह नायब प्रबन्धक एक, सातौं तहको अधिकृत एक, छैठौं तहको सहायक अधिकृत एक, पाँचौंतह प्रधान सहायक तीन र चौथो तहको सहायकका लागि एक जना कर्मचारी माग गरेको हो ।
ईच्छुक तथा योग्यता पुगेकाले जेठ २४ गतेसम्म आवेदन दिन सकिनेछ । दोब्बर दस्तुर तिरेर जेठ ३१ गतेसम्म दरखास्त दिन सकिने छ ।
