काठमाडौं । नेपाल बीमा प्राधिकरणको कोशी प्रदेश कार्यालयले आज वैशाख २९ गते जीवन तथा निर्जीवन बीमा कम्पनीबीच मैत्रीपूर्ण फुटबल प्रतियोगिता सम्पन्न गरेको छ । प्राधिकरणको ५६औं बार्षिकोत्सवको अवसरमा उक्त प्रतियोगिता आयोजना गरेको हो ।
कोशी प्रदेशमा रहेका जीवन तथा निर्जीवन वीमा कम्पनीका प्रदेश प्रमुखहरु र अन्य कर्मचारीहरुको संलग्नता संचालन भएको मैत्रीपूर्ण फुटबल खेलमा नेपाल वीमा प्राधिकरणका कोशी प्रदेश प्रमुख बिनोद कुमार पोखरेल निर्जीबन बीमा तर्फ र कर्मचारी विजय लिम्बु जीवन बीमाको तर्फबाट सहभागी रहेका थिए ।
उक्त मैत्रीपूर्ण खेलमा निर्जीबन बीमाको टिमले १-० गोलको अन्तरले विजय हासिल गरेको थियो । उक्त खेलको समापन गर्दै प्राधिकरणका प्रदेश प्रमुखले बिजेता टिमका तथा उपविजेता टिमका खेलाडीहरुलाई प्रमाणपत्र र मेडल वितरण गरेका थिए
कार्यक्रममा बोल्दै प्रमुख पोखरेलले खेलको महत्वका साथै स्वास्थ्यका लागि खेल भन्ने कुरालाई बर्णन गरेका थिए । प्राधिकरणले बार्षिकोत्सव कार्यक्रम अन्तर्गत भोलि आइतबार रक्तदान र मंगलबार प्रभातफेरी कार्यक्रम समेत रहेको जानकारी गराएका थिए ।
कार्यक्रममा निप्स कोशीका अध्यक्ष खड्ग बहादुर श्रेष्ठले खेलकुदका बारेमा र आगामी कार्यक्रममा सक्रिय सहभागी हुन् सम्पूर्ण बीमाकर्मीहरुलाई आव्हान गरेका थिए ।
