काठमाडौं । नेपाली बजारमा मंगलबार सुन र चाँदीको भाउमा भारी गिरावट आएको छ। नेपाल सुनचाँदी व्यवसायी महासंघका अनुसार आज सुनको भाउ तोलामै २ हजार ७०० रुपैयाँले घटेको छ।
आज प्रतितोला छापावाल सुन १ लाख ३५ हजार ५०० रुपैयाँ र तेजाबी सुन १ लाख ३४ हजार ८५० रुपैयाँमा कारोबार भइरहेको छ। हिजो सोमबार प्रतितोला छापावाल सुन १ लाख ३८ हजार २०० रुपैयाँ र तेजाबी सुन १ लाख ३७ हजार ५५० रुपैयाँमा कारोबार भएको थियो। सोमबार पनि सुनको भाउ तोलामा १ हजार १ रुपैयाँले घटेको थियो।
यो दिन चाँदीको भाउ पनि तोलामा ४५ रुपैयाँले घटेर १ हजार ६६० रुपैयाँ कायम भएको छ। अघिल्लो दिन सोमबार चाँदी प्रतितोला १ हजार ७०५ रुपैयाँमा कारोबार भएको थियो। सोमबार पनि चाँदीको भाउ तोलामा ३५ रुपैयाँले घटेको थियो।
