काठमाडौं । पहिलोपटक लुम्बिनी प्रदेशमा पनि जीवन बीमा अभिकर्ताको लाइसेन्स वितरण गर्न अनलाइन परीक्षा हुने भएको छ। नेपाल बीमा प्राधिकरणको लुम्बिनी प्रदेश कार्यालयले एक सूचना प्रकाशित गरी अभिकर्ताको लाइसेन्स वितरण गर्न अनलाइन परीक्षा सञ्चालन गर्न लागिएको जानकारी गराएको हो। अनलाइन परीक्षा चैत २० गते मंगलबार विहान ११ बजेबाट दिउँसो १२ः३० सम्म सञ्चालन हुनेछ। परीक्षामा देशभरका परीक्षार्थी सहभागी हुन पाउनेछन्।
काठमाडौंबाहिर तेस्रो स्थान लुम्बिनी प्रदेश कार्यालयबाट अभिकर्ता अनलाइन परीक्षा हुने भएको हो। यसअघि बीमा प्राधिकरणको कोशी प्रदेश कार्यालय विराटनगर र गण्डकी प्रदेशले अभिकर्ताको लाइसेन्स वितरण गर्न अनलाइन परीक्षा सञ्चालन गरेको थियो।
बीमा ऐन, २०७९ अनुसार बीमा मध्यस्थकर्ता ९अभिकर्ता०हरुको परीक्षा लिएरमात्रै इजाजतपत्र दिने व्यवस्था भएबमोजिम जीवन बीमा अभिकर्ताको अनलाइन परीक्षा प्राधिकरणको कोशी प्रदेशले सञ्चालन गर्न लागेको हो।
