नेप्सेले गर्यो संगठित संस्थाहरुको वर्गीकरण, ८ वाणिज्य बैंकसहित ३१ कम्पनी ‘ए’ समूहमा (सूचीसहित)

काठमाडौं । नेपाल स्टक एक्सचेन्ज (नेप्से)ले सूचीकृत संगठित संस्थाको वर्गीकरण गरेको छ।

नेप्सेले चालु आर्थिक वर्षको पुस मसान्तसम्मको अद्यावधिक विवरणअनुसार संगठित संस्थाहरुको वर्गीकरण गरेको हो। नेप्सेले ‘ए’, ‘बी’, ‘जी’ र ‘जेड’ समूहमा वर्गीकरण गरेको छ।

नेप्सेले ‘ए’ वर्गमा ८ वटा वाणिज्य बैंकसहित ३१ वटा कम्पनीलाई राखेको छ। यो वर्गमा ७ वटा विकास बैंक, १ फाइनान्स कम्पनी, ६ वटा लघुवित्त, १ बीमा कम्पनी, ३ वटा जलविद्युत कम्पनी, २ वटा उत्पादन समूहका कम्पनी र ३ वटा अन्य समूहका कम्पनी छन्।

यसैगरी नेप्सेले ‘बी’ वर्गमा ३५ वटा संस्थालाई राखेको छ। जसमा ७ वटा वाणिज्य बैंक, २ वटा विकास बैंक, ६ वटा फाइनान्स कम्पनी, २ वटा लघुवित्त, १४ वटा जलविद्युत कम्पनी, ३ वटा होटेल समूहका कम्पनी र एउटा अन्य समूहका कम्पनी छन्।

सार्वजनिक गरिएको वर्गीकरणमा परेको संगठित संस्थाले उल्लेखित समूहमा पर्नु नपर्ने कारणसहित ३५ दिनभित्र दाबी गर्न सक्ने पनि नेप्सेले जनाएको छ।