काठमाडौं । आर्थिक वर्ष २०८०/८१ को मंसिर महिनामा ९ हजार बढीले बीमा पोलिसी त्यागेका छन् । नेपाल बीमा प्राधिकरणको तथ्याङक अनुसार मंसिर महिनामा मात्रै ९ हजार ७४४ जनाले १ अर्ब ८ करोड ७० लाख रुपैयाँ बराबरको बीमा पोलिसी त्यागेका हुन् ।
गत कार्तिक महिनामा ६ हजार ९१ जनाले ७९ करोड ४९ लाख रुपैयाँ बराबरको बीमा पोलिसी त्यागेका थिए । गत कार्तिक महिनाको तुलनामा मंसिर महिनामा कम्पनीहरुको पोलिसी सरेण्डर बृद्धि भएको छ । गत कार्तिक महिनाको तुलनामा बीमा सरेण्डर संख्या ५९ दशमलव ९७ प्रतिशतले बृद्धि भएको हो भने बीमा सरेण्डर रकम ३६ दशमलव ७५ प्रतिशतले बढी हो । बीमा पोलिसी सरेण्डर बृद्धि हुनु बीमा क्षेत्रको लागि नकारात्मक सूचक हो ।
प्राप्त तथ्याङक अनुसार संचालनमा रहेका बीमा कम्पनीहरुमध्ये मंसिर महिनामा नेपाल लाइफको सरेण्डर सर्वाधिक देखिएको छ । गत कार्तिक महिनामा १७ सय ७७ जनाले २६ करोड ४३ लाख रुपैयाँको पोलिसी सरेण्डर गरेकोमा मंसिर महिनामा बृद्धि भई २४ सय २५ जनाले ३६ करोड ३५ लाख रुपैयाँ पुगेको छ ।
चालु आर्थिक वर्षको मंसिर महिनामा राष्ट्रिय जीवन बीमा कम्पनीको १५ सय ८५ जना बीमितहरुले १२ करोड ५ लाख रुपैयाँ बराबरको पोलिसी समर्पण गरेका छन् । नेशनल लाइफको ४२२ जना बीमितहरुले ६ करोड ८२ लाख रुपैयाँको पोलिसी समर्पण गरेका छन् ।
त्यस्तै, एलआइसी नेपालका १९ सय ४७ जना बीमितहरुले २२ करोड ८ लाख रुपैयाँ बराबरको पोलिसी त्याग गरेका हुन् । मेट लाइफका ३२६ जना बीमितहरुले ३ करोड ८० लाख रुपैयाँ बराबरको पोलिसी त्याग गरेका हुन् । एशियन लाइफका १ हजार ९९ जना बीमितहरुले ८ करोड ७१ लाख रुपैयाँ बराबरको पोलिसी त्याग गरेका हुन् । आइएमई लाइफका ११२ जना बीमितहरुले १ करोड १४ लाख रुपैयाँको पोलिसी समर्पण गरेका छन् ।
त्यसैगरी सन नेपाल लाइफका ७२ जना बीमितहरुले ६५ लाख रुपैयाँ बराबरको पोलिसी त्याग गरेका हुन । रिलायबल नेपाल लाइफका ११८ जना बीमितले ६६ लाख रुपैयाँको पोलिसी समर्पण गरेका छन् । सिटिजन लाइफका १४६ जना बीमितहरुले ९२ लाख रुपैयाँको पोलिसी समर्पण गरेका छन्। सूर्यज्योति लाइफका ४७४ जना बीमितहरुले ६ करोड रुपैयाँको पोलिसी समर्पण गरेका छन् ।
सानिमा रिलायन्स लाइफका १६० जना बीमितहरुले २ करोड रुपैयाँको पोलिसी समर्पण गरेका छन् । हिमालयन लाइफका ७१८ जना बीमितहरुले ५ करोड ८७ लाख रुपैयाँको पोलिसी समर्पण गरेका छन् । प्रभु महालक्ष्मी लाइफका १४० जना बीमितहरुले १ करोड ५९ लाख रुपैयाँको पोलिसी त्यागेका छन् ।
