काठमाडौं । शेयर बजार आज मंगलबार पनि दोहोरो अंकले उकालो लागेको छ। नेप्से परिसूचक अआज २०.६२ अंकले बढेर २०८०.१२ को विन्दुमा बन्द भएको छ।
बजार बढ्दा आज १६५ कम्पनीको शेयरभाउमा बढोत्तरी भएको छ भने ७७ वटाको शेयरभाउमा गिरावट आएको छ। ५ वटाको भने स्थिर रहेको छ।
आज शेयर बजारमा ६ अर्ब ११ करोड रुपैयाँ बढीको शेयर किनबेच भएको छ। यो दिन सोनापुर मिनरल्सको सार्वधिक कारोबार भएको छ। सर्वाधिक कारोबार गर्ने शीर्ष १० कम्पनीमा एउटा जीवन बीमा कम्पनी रिलायबल नेपाल लाइफ पर्न सफल भएको छ।
यस्ता छन् आज उच्च कारोबार भएका १० कम्पनी
- सोनापुर मिनरल्सः २१ करोड ४९ लाख रुपैयाँ
- निफ्राः १९ करोड ७३ लाख रुपैयाँ
- सोल्टी होटलः १७ करोड ५३ लाख रुपैयाँ
- माउन्टेन इनर्जीः १२ करोड ४३ लाख रुपैयाँ
- रिलायबल नेपाल लाइफः १२ करोड १४ लाख रुपैयाँ
- एनआरएन इन्फ्रास्ट्रक्चरः ९ करोड ९२ लाख रुपैयाँ
- हाथवे इन्भेस्टमेन्टः ९ करोड २४ लाख रुपैयाँ
- मोदी इनर्जीः ८ करोड १५ लाख रुपैयाँ
- सानिमा मिडिल तमोरः ८ करोड ६ लाख रुपैयाँ
- युनाइटेड इदी मर्दीः ७ करोड ९८ लाख रुपैयाँ
