काठमाडौं । बीमा कम्पनीहरुका संस्थापक शेयरधनी र सञ्चालकहरुको व्यक्तिगत विवरण लिँदा अनिवार्य रुपमा स्थायी लेखा नम्बर (प्यान) लिनुपर्ने भएको छ।
नेपाल बीमा प्राधिकरणले आज एक परिपत्र जारी गर्दै बीमा कम्पनीहरुलाई निर्देशन दिएको हो। निर्देशनमा बीमकको संस्थापक शेयरधनी तथा सञ्चालकहरुको व्यक्तिगत विवरण लिँदा अनिवार्य रुपमा प्यानसमेत लिने व्यवस्था गर्न भनिएको छ।
सम्पत्ति शुद्धीकरण तथा आतंकवादी क्रियाकलापमा वित्तीय लगानी निवारणसम्बन्धी कानुनबमोजिम वास्तविक धनी यकिन गर्नका लागि यो व्यवस्था लागू गर्न निर्देशन दिइएको प्राधिकरणले जनाएको छ।
