काठमाडौं । नेपालमा सुनमा लगानी गर्नेहरुले एक वर्षमै करिब १९ प्रतिशत रिटर्न पाएका छन्।
नेपाली बजारमा आज पुस १५ गते छापावाल सुनको भाउको प्रतितोला १ लाख २० हजार ५०० रुपैयाँ र तेजाबी सुनको १ लाख १९ हजार ९०० रुपैयाँ रहेको छ। गत वर्ष पुस १५ गते प्रतितोला छापावाल सुन १ लाख १ हजार ४०० रुपैयाँ र तेजाबी सुन १ लाख ९०० रुपैयाँ थियो।
यस हिसाबले यो एक वर्षमा सुनमा लगानी गर्नेहरुले तोलामा १८.८३ प्रतिशत अर्थात १९ हजार १०० रुपैयाँ रिटर्न पाएका छन्।
त्यसो यो वर्ष मंसिरमा सुनको भाउ नयाँ कीर्तिमान कायम गरेको थियो। यो दिन प्रतितोला छापावाल सुन १ लाख २१ हजार ६०० रुपैयाँ र तेजाबी गोल्ड १ लाख २१ हजार रुपैयाँमा कारोबार भएको थियो।
यो वर्ष चाँदीमा लगानी गर्नेहरुले भने ४.३१ प्रतिशत रिर्टत अर्थात ६० रुपैयाँ कमाएका छन्। गत वर्ष पुस १५ गते प्रतितोला १ हजार ३९५ रुपैयाँ रहेको चाँदीको भाउ आज पुस १५ गते १ हजार ४५५ रुपैयाँमा कारोबार भइरहेको छ।
