काठमाडौं । नेपाल बीमा प्राधिकरणले निर्देशकहरुको कार्य जिम्मेवारीमा पुनः हेरफेर गरेको छ। प्राधिकरणले ५ महिना नबित्दै पुनः कार्य जिम्मेवारी परिवर्तन गरेको हो।
बीमा प्राधिकरणका अनुसार प्रशासन विभागको जिम्मेवारीमा रहेका दिनेश लाल कर्णलाई नियमन र सम्पत्ती शुद्धिकरण विभागको समेत जिम्मेवारी थपिएको छ। यसअघि यो जिम्मेवारी अर्का निर्देशक कमल प्रसाद रेग्मीलाई दिइएको थियो । रेग्मीलाई दिनु अघि कानुन तथा नियमन विभागको जिम्मेवारी कर्णले नै सम्हाल्दै आएका थिए ।
नीतिगत निर्णय लिनुपर्ने नियमन विभागमा रेग्मीले निर्णय गर्न ढिलासुस्ती गर्ने र हरेक निर्णयमा जोखिम देख्ने प्रवृत्तीका कारण उनको जिम्मेवारी हेरफेर गरिएको प्राधिकरण सम्बद्ध श्रोतले जानकारी दिएको छ।
