काठमाडौं । नेपाल स्टक एक्सचेन्जमा थप तीन कम्पनीको बोनश शेयरपछिको मूल्य समायोजन भएको छ । आज नेप्सेमा हाथवे इन्भेष्टमेन्ट, तारागाउँ रिजेन्सी र फर्स्ट माइक्रोफाइनान्सको बोनश शेयरको मूल्य समायोजन भएको हो । यी ३ कम्पनीले साधारण सभा तथा लाभांश प्रयोजनका लागि बुक क्लोज गरेसँगै नेप्सेले मुल्य समायोजन गरी नयाँ मुल्य निर्धारण गरेको हो ।
फर्स्ट माइक्रोफाइनान्सको ७ दशमलव ५० प्रतिशत बोनश शेयर पछिको मूल्य समायोजन गरी ६२२ रुपैयाँ ३३ पैसा कायम गरेको छ । नेप्सेले कम्पनीको अन्तिम कारोबार मुल्य ६६९ रुपैयाँको आधारमा शेयरमूल्य समायोजन गरेको हो ।
हाथवे इन्भेष्टमेन्टको १० प्रतिशत बोनश शेयरपछि मुल्य समायोजन गरी ७२४ रुपैयाँ ०९ पैसा कायम गरेको छ । नेप्सेले कम्पनीको अन्तिम कारोबार मुल्य ७९६ रुपैयाँ ५० पैसाको आधारमा शेयरमूल्य समायोजन गरेको हो ।
तारागाउँ रिजेन्सीको ४ प्रतिशत बोनश शेयरपछिको मूल्य समायोजन गरी ८३६ रुपैयाँ कायम गरेको छ । नेप्सेले अन्तिम कारोबार मुल्य ८७० रुपैयाँको आधारमा शेयरमूल्य समायोजन गरेको हो ।
भोलि यही समायोजित मुल्यको आधारमा दोस्रो बजारमा कम्पनीहरुको कारोबार खुल्नेछ ।
