काठमाडौं । सर्वोच्च अदालतको न्यायाधीशमा ६ जनालाई नियुक्त गरिएको छ।
राष्ट्रपति रामचन्द्र पौडेलले सर्वोच्च अदालतको न्यायाधीशमा ६ जनालाई नियुक्त गरेका हुन्। न्यायपरिषदले सिफारिस गरेका सारंगा सुवेदी, अब्दुल अजिज मुसलमान, महेश शर्मा पौडेल, टेकप्रसाद ढुंगाना, सुनिल पोखरेल र बालकृष्ण ढकाललाई राष्ट्रपति पौडेलले सर्वोच्च अदालतको न्यायाधीशमा नियुक्त गरेका छन्।
संसदीय सुनुवाइ समितिले बुधबार ती ६ जनाको नाम अनुमोदन गरेको थियो ।
