काठमाडौं । चन्द्रागिरी हिल्सले १४ औँ वार्षिक साधारणसभा आह्वान गरेको छ।
कम्पनी सञ्चालक समितिको बैठकले वार्षिक साधारणसभा पुस २६ गते आयोजना गर्ने निर्णय गरेको हो। सभा चन्द्रागिरी हिल्सको काठमाडौं थानकोटस्थित कार्यालयमा मध्याह्न १२ः३० बजेबाट सुरु हुनेछ।
सभाले आर्थिक वर्ष २०७९/८० को वार्षिक प्रतिवेदन र लेखापरीक्षकको प्रतिवेदन पारित गर्नेछ। उक्त आर्थिक वर्षका लागि कम्पनीले शेयरधनीहरुका लागि लाभांश प्रस्ताव गरेको छैन।
वार्षिक साधारणसभा प्रयोजनका लागि कम्पनीले पुस १३ गते बुक क्लोज गर्ने निर्णय गरेको छ। यसको मतलब पुस १२ गतेसम्म कायम शेयरधनीहरुमात्रै यो कम्पनीको वार्षिक साधारणसभाम भाग लिन पाउनेछन्।
