काठमाडौं । सिटी होटेलले २०७९/८० का लागि लाभांश वितरण नगर्ने भएको छ।
होटेल सञ्चालक समितिको बुधबार (मंसिर २७ गते) बसेको बैठकले उक्त आर्थिक वर्षको लेखापरीक्षकको प्रतिवेदनसहित छलफल गरी पारित गर्दै लाभांश वितरण नगर्ने प्रस्ताव गरेको हो। योसँगै अब सिटी होटेलका शेयरधनीहरुले बोनस शेयर र नगद लाभांश पाउने छैनन्।
यसैगरी बैठकले आठौँ वार्षिक साधारणसभा आउँदो पुस २० गते आयोजना गर्ने निर्णय गरेको छ। सोही सभाले होटेलको वार्षिक तथा लेखापरीक्षकको प्रतिवेदन स्वीकृत गर्नेछ।
वार्षिक साधारणसभा प्रयोजनार्थ होटेलले पुस ८ गते बुक क्लोज गर्ने निर्णय गरेको छ। यसको मतलब पुस ८ गतेभन्दा अघिसम्म कायम शेयरधनीहरुमात्रै यो होटेलको सभामा भाग लिन योग्य हुनेछन्।
