काठमाडौं । साताको अन्तिम कारोबार दिन शुक्रबार सुनको भाउमा बढोत्तरी भएको छ।
आज सुनको भाउ तोलामा २०० रुपैयाँले बढेको हो। योसँगै प्रतितोला छापावाल सुन १ लाख १८ हजार ८०० रुपैयाँ र तेजाबी सुन १ लाख १८ हजार २५० रुपैयाँमा कारोबार भइरहेको छ।
बिहीबार पनि सुनको भाउ तोलामा २०० रुपैयाँले बढेको थियो। यो दिन प्रतितोला छापावाल सुन १ लाख १८ हजार ६०० रुपैयाँ र तेजाबी सुन १ लाख १८ हजार ५० रुपैयाँमा कारोबार भएको छ।
आज चाँदीको भाउ स्थिर रहँदै तोलाको १ हजार ४६० रुपैयाँ कायम भएको छ। हिजो तोलामा २० रुपैयाँले घटेर चाँदी १ हजार ४६० रुपैयाँमा कारोबार भएको थियो।
