काठमाडौं । पिपुल्स पावर लिमिटेडले हकप्रद शेयर निष्कासन गर्ने निर्णय गरेको छ।
कम्पनी सञ्चालक समितिको मंसिर १७ गते (आइतबार) बसेको बैठकले चुक्तापुँजीको १ः०.५ अनुपातमा अर्थात ५० प्रतिशत हकप्रद शेयर जारी गर्ने निर्णय गरेको हो। यसका लागि विद्युत नियमन आयोगको पूर्वस्वीकृति लिई आगामी साधारणसभामा हकप्रद शेयर निष्कासनको प्रस्ताव पेस गर्ने निर्णय पनि कम्पनीले गरेको छ।
इलामस्थित पुवा–२ जलविद्युत आयोजना (४.९६ मे.वा.)बाट २०७९ मंसिर १२ गतेबाट नियमित रुपमा विद्युत उत्पादन तथा वितरण भइरहेको कम्पनीले जनाएको छ। आयोजनाको नियमित मर्मतसम्भार गर्न, भुक्तानी बाँकी हिसाब तिर्न तथा नयाँ आयोजनामा लगानी गर्न आवश्यक रकम जुटाउन हकप्रद शेयर जारी गर्न लागिएको कम्पनीले जनाएको छ।
