काठमाडौं । साताको पहिलो कारोबार दिन आइतबार शेयर बजारमा सामान्य गिरावट आएको छ। आज १ अर्ब रुपैयाँ मुनिको कारोबार भएको छ।
नेप्से आज ७.२९ अंकले घटेर १८५१.२३ मा बन्द भएको छ। बजार घट्दा ९४ कम्पनीको शेयरभाउ बढेको छ भने १३६ वटाको घटेको छ। १० वटा कम्पनीको शेयर भने स्थिर रहेको छ।
आज नेप्सेमा सूचीकृतमध्ये २९३ कम्पनीका ३४ लाख १९ हजार ७३ कित्ता शेयर ९६ करोड ४० लाख १० हजार ४३१.२७ रुपैयाँमा किनबेच भएका छन्। आज सोनापुर मिनरल्सको सर्वाधिक कारोबार भएको छ। यो कम्पनीको ६ करोड ९५ लाख रुपैयाँ बढीको शेयर किनबेच भएको छ। यस्तै, हाथवे इन्भेस्टमेन्टको पनि ३ कराड १५ लाख रुपैयाँबराबरको कारोबार भएको छ।
बजार घट्दा पनि थ्रीस्टार हाइड्रोपावर र सबैको लघुवित्तका शेयरधनीहरु मालामाल भए। यी दुवै कम्पनीको शेयरमूल्य ९ प्रतिशत बढीले बढेको छ। आज माउन्टेन इनर्जी, युनिइटेड इदी मर्दी र एनआरएन इन्फ्रास्ट्रक्चरका शेयरधनीहरुले धेरै गुमाए। यी सबै कम्पनीको शेयरमूल्य १० प्रतिशतको हाराहारीमा घटेको छ।
