काठमाडौं । तारागाउँ रिजेन्सी होटल्सले पुरानो नगद लाभांश बुझिलिन आउन शेयरधनीहरुलाई आग्रह गरेके छ।
होटल्सले आज एक सूचना जारी गर्दै यस्तो आग्रह गरेको छ। विभिन्न साधारणसभाबाट पारित भएको नगद लाभांश शेयरधनीहरुले हालसम्म पनि बुझिलिन बाँकी रहेको होटल्सले जनाएको छ। ती शेयरधनीहरुलाई यथाशक्य चाँडो कम्पनीको शेयर रजिस्ट्रार एनआईसी एसिया क्यापिटलको काठमाण्डौको थापाथलीस्थित कार्यालयमा सम्पर्क गरी नगद लाभांश बुझिलिन होटल्सले सूचित गरेको छ।
आफ्नो शेयर प्रमाणपत्र अभौतिकीकरण गरी नेपाल क्लियरिङ हाउसअन्तर्गत आईपीएस सदस्यता प्राप्त कुनै पनि बैंक तथा वित्तीय संस्थामा रहेको आफ्नो बैंक खाता नम्बरसहितको विवरण अद्यावधिक गर्न पनि होटल्सले आग्रह गरेको छ।
