काठमाडौं । साताको दोस्रो दिन आज पनि सुन चाँदीको भाउ बढेको छ । आइतबार प्रतितोला एक लाख १६ हजार ९ सय रुपैयाँमा कारोबार भएको छापावाला सुनको मूल्य आज तोलामा ५ सय रुपैयाँले बढेको छ । कार्तिक ११ गते १ लाख १७ हजारमा कारोबार भएको सुनको मुल्यले आज नयाँ रेकर्ड कायम राख्दै आज छापावाला सुन प्रतितोला १ लाख १७ हजार ४ सयको विन्दुमा पुगेको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुन तोलामा १ लाख १६ हजार ८ सय ५० रुपैयाँमा कारोबार भइरहेको छ । आज चाँदीको मूल्य १५ रुपैयाँले बढेर प्रतितोला १ हजार ५ सय रुपैयाँमा कारोबार भइरहेको छ ।
