काठमाडौं । नागरिक लगानी कोषले कार्यकारी निर्देशक पदको लागि दरखास्त आह्वान गरेको छ । कोषले खुला प्रतिस्पर्धाबाट पदपुर्ती गर्ने भएकाले दरखास्त आब्हान गरेको हो । कोषको कार्यकारी निर्देशक छनौट तथा सिफारिस समितिले एक सूचना जारी गर्दै कार्यकारी निर्देशक पदको लागि योग्य तथा ईच्छुक उम्मेदवारलाई २१ दिनभित्र दरखास्त आह्वान गरेको हो ।
आवेदन दिनको लागि नागरिक लागानी कोष ऐन, २०४७ को दफा ४२ (१)र नागरिक लगानी कोषको कार्यकारी निर्देशकको छनौट तथा सिफारिससम्बन्धी कार्यविधि, २०८० बमोजिम योग्यता तथा अनुभव भएको हुनु पर्नेछ जनाइएको छ ।
साथै, अर्थ मन्त्रालय सम्बद्ध सार्वजनिक निकायका पदाधिकारी तथा सदस्यको नियुक्ति र मनोनयनसम्बन्धी मापदण्ड, २०७३ को दफा ३ बमोजिम नियुक्तिका लागि योग्यता भएको र सोही मापदण्डको दफा ४ बमोजिम अयोग्य नरहेको हुनु पर्नेछ।
दरखास्त पेश गर्दा शैक्षिक योग्यता, अनुभव, नेपाली नागरिकताको प्रमाणपत्रको प्रतिलिपी, वैयक्तिक विवरण र २ प्रति पासपोर्ट साइजको फोटो तथा उपर्युक्त कार्यविधिको दफा ६ बमोजिमको व्यावसायिक कार्ययोजना खामबन्दी गरी अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखामा पेश गर्नु पर्ने जनाएको छ ।
