काठमाडौं । चिरख्वा हाइड्रोपावर लिमिटेडले निष्काशन गरेको आइपीओ बाँडफाँड सम्पन्न भइसकेको छ । बिक्री प्रबन्धक आरविवि मर्चेन्ट आज दिउँसो १ बजे आइपीओ बाँडफाँड गरेको हो । आइपीओ नतिजा भने केही समयपछि मात्रै प्रकाशन हुनेछ । नतिजा प्रकाशन भएपछि विभिन्न तीन तरिकाबाट हेर्न सकिनेछ ।
क्यापिटलका अनुसार आइपीओमा कुल ११ लाख ३४ हजार ९१७ जनाको आवेदन परेको छ । जसमध्ये २३ सय ८१ जनाको आवेदन रद्द भएको छ । योग्य रहेका ११ लाख ३१ हजार ९ सय ३६ जनालाई गोलाप्रथामा सहभागी गराएर शेयर बाँडफाँड गरिएको छ । जसअनुसार ८५ हजार ९ सय ३० जनाले १० कित्ताको दरले शेयर पाएका छन् । बाँकि लगानीकर्ता भने हात खाली भएको छ ।
कम्पनीको आइपीओ नतिजा सिडीएसले आइपीओको नतिजा हेर्न बनाएको वेबसाइटः iporesult.cdsc.com.np/ , बिक्री प्रबन्धकको वेबसाइट https://www.rbbmbl.com.np/ , मेरो शेयर एप https://meroshare.cdsc.com.np/#/login बाट हेर्न सकिनेछ ।
