काठमाडौं । नेप्सेमा आज माण्डु हाइड्रोपावर लिमिटेड र हाथवे इन्भेष्टमेन्टको नेपाल लिमिटेडको शेयर कारोबार खुलेको छ । आज हाथवेको शेयर प्रतिकित्ता २८५ रुपैयाँ २० पैसामा पहिलो कारोबार भएको हो भने माण्डुको ३७३ रुपैयाँ २० पैसामा पहिलो कारोबार भएको हो।
यी दुबै कम्पनीहरुको शेयर असोज २३ गते, मंगलबार नेप्सेमा सूचीकृत भएको थियो। पहिलो कारोबारका लागि नेप्सेले हाथवेलाई ९५ रुपैयाँ ९ पैसादेखि २८५ रुपैयाँ २७ पैसासम्मको ओपनिङ्ग रेञ्ज दिएको थियो। त्यस्तै, माण्डु हाइड्रोपावरलाई नेप्सेले १२४ रुपैयाँ ४२ पैसादेखि ३७३ रुपैयाँ २६ पैसासम्मको ओपनिङ्ग रेञ्ज दिएको थियो।
सोही रेञ्जका आधारमा यस दिन उच्च मूल्यमा यी कम्पनीहरुको पहिलो कारोबार भएको हो। अब यी दुई कम्पनीको शेयर दोस्रो बजारमा किनेच गर्न सकिनेछ ।
