काठमाडौं । समृद्धि फाइनान्सले कर्मचारी माग गरेको छ । कम्पनीले क्रेडिट अफिसर, बिजनेश अफिसर, क्रेडिट सुपरभाइजर र ट्रेनी असिस्टेन्ट पदका लागि १/१ जना कर्मचारी माग गरेको हो ।
क्रेडिट अफिसरका लागि म्यानेजमेन्ट तथा अर्थशास्त्र विषयबाट ब्याचलर डिग्री गरेको तथा सो सम्बन्धी कार्यमा २ वर्षको अनुभव भएको र २१ वर्ष पुरा भई ४० वर्ष ननाघेको हुनुपर्ने कम्पनीले जनाएको छ । त्यस्तै, मार्केटिङका लागि सो सम्बन्धी क्षेत्रमा १ वर्षको कार्यानुभव भएको हुनुपर्नेछ ।
क्रेडिट सुपरभाइजरका लागि १८ उमेर पुरा भई ३५ ननाघेको व्यक्ति र सम्बन्धित क्षेत्रमा १ वर्षको कार्यानुभव भएको हुनुपर्ने छ । ट्रेनी असिस्टेन्टका लागि मान्यता प्राप्त शिक्षण संस्थाबाट १२ उत्तीर्ण गरेको हुनुपर्ने र १८ उमेर पुरा भई ३५ वर्ष ननाघेको हुनुपर्ने जनाएको छ
ईच्छुक तथा योग्यता पुगेका व्यक्तिले आफ्नो भदौ ७ गतेभित्र बैंकिङ समयमा आवेदन दिनुपर्नेछ । कम्पनीले आफ्नो हेड अफिसका साथै विभिन्न शाखा कार्यालयका लागि कर्मचारी माग गरेको हो ।
