काठमाडौं । अपर तामाकोशी हाइड्रोपावरले विभिन्न पदका लागि ४५ जना कर्मचारी माग गरेको छ । कम्पनीले आज एक सूचना जारी गर्दै विभिन्न १६ पदका लागि ४५ जना कर्मचारी माग गरेको हो कम्पनीले वरिष्ठ इन्जिनियर इलेक्ट्रिकलमा १ जना, वरिष्ठ इन्जिनियर मेकानिकलमा १ जना, इलेक्ट्रिकल इन्जिनियर तह ७ का लागि ३ जना, इन्जिनियर इलेक्ट्रिकल, सञ्चार, सिभिल इन्जिनियर, विविधका लागि १/ १ जना कर्मचारी माग गरेको हो ।
त्यस्तै, कम्पनीले सहायक प्रशासकीय अधिकृत २ जना, सहायक लेखा अधिकृतमा २ जना, इलेक्ट्रिकल र सिभिल सुपरभाइजर १/१ जना, मेकानिकल सुपरभाइजर ४ जना, इलेक्ट्रिकल फोरमेन ८ जना, इलेक्ट्रिसियन ३ जना र मेकानिमल जुनियर मिस्त्रीमा ११ जना कर्मचारी माग गरेको हो ।
कम्पनीले उक्त कर्मचारी १ वर्ष करारको लागि माग गरेको हो जसमा आवश्यक्ता, कार्य क्षमताका आधारमा नविकरण गरिने जनाएको छ । सेवा सुविधा कम्पनीको नियम अनुसार हुने जनाएको छ । ईच्छुक तथा योग्यता पुगेकाले साउन ९ गतेभित्र आवेदन दिनुपर्ने कम्पनीले जनाएको छ ।
