काठमाडौं । नागरिक लगानी कोषले खुला तथा आन्तरिक प्रतियोगितात्मक परीक्षाबाट पदपुर्ति गर्ने भएको छ । जसका लागि कोषले आन्तरिक तथा खुला प्रतियोगिता मार्फतमा रिक्त रहेका पदको पदपुर्ति गर्न लागेको हो । कोषले आन्तरिकबाट व्यवस्थापक दशौंका लागि २ जना, उप व्यवस्थापकका लागि १ जना, अधिकृतका लागि १ जना, सहायक अधिकृतका लागि ४ जना, सहायक कम्प्युटरका लागि १ जना र वरिष्ठ सहायकका लागि १ जना गरी कुल १० जना पदपुर्ति गर्ने जनाएको छ ।
त्यसैगरी कोषले खुला प्रतियोगिताबाट सहायक अधिकृतका लागि ७ जना, वरिष्ठ सहायका लागि १ जना, सहायकका लागि ४ जना र सहायक क्म्प्युटर अपरेटरका लागि ३ जना गरी कुल १५ जना माग गरेको हो । ईच्छुक तथा योग्यता पुगेकाले सुचना प्रकाशित भएको मितिले ३० दिनभित्र र दोब्बर दस्तुर तिरी थप सात दिनभित्र आवेदन दिनुपर्नेछ ।
