काठमाडौं । लुम्बिनी प्रदेशका मुख्यमन्त्री डिल्लीबहादुर चौधरीले शपथ लिएका छन् । चौधरीलाई प्रदेश प्रमुख अमिक शेरचले शपथ ग्रहण गराएका थिए । सत्ता साझेदार दलहरुबीच मन्त्रालय भागबन्डामा कुरा नमिलेपछि विना विभागीय तीन मन्त्री नियुक्त भएका छन् ।
नियुक्त हुने तीन मन्त्रीमा माओवादी केन्द्रका धनबहादुर मास्की राना, नागरिक उन्मुक्तिका धर्मबहादुर चौधरी र लोकतान्त्रिक समाजवादी पार्टीका सन्तोष पाण्डे रहेका छन् । विना विभागीय मन्त्रीहरुको नियुक्ति भएसँगै शपथ ग्रहण समेत लिने तयारी रहेको छ ।
मुख्यमन्त्री चौधरीलाई नेपाली काँग्रेसका २७, माओवादीबाट ११, नागरिक उन्मुक्ति पार्टीका ४, जनमत पार्टीबाट ३ जना, जनता समाजवादी पार्टी, लोकतान्त्रिक समाजवादीबाट ३–३ जना, नेकपा एकीकृत समाजवादीका एक जना र स्वतन्त्र एक जना सांसद गरी कुल ५३ जना सांसदको समर्थन रहेकाके छ ।
