जेठ १४ गतेदेखि हिमाल दोलखा हाइड्रोपावर कम्पनी लिमीटेडले साधारण शेयर (आईपीओ) जारी गर्ने भएको छ । हाइड्रोले १६ करोड रुपैयाँ बराबरको १६ लाख कित्ता साधारण शेयर जारी गर्ने भएको हो । कम्पनीले पहिलो चरणमा आयोजना प्रभावित इलाम जिल्लाका बासिन्दाहरुको लागि शेयर निष्काशन गर्न लागेको हो ।
पहिलो चरणमा आयोजना प्रभावित इलाम जिल्लाका बासिन्दाहरुको लागि शेयर निष्काशन गरिएको उक्त आईपिओमा आयोजनाबाट अति प्रभावित क्षेत्र इलाम नगरपालिकाको वडा नम्बर ९, १० र माई नगरपालिका वडा नम्बर ९ तथा इलाम जिल्लामा बसोबास गर्ने नेपाली नागरिकले आवेदन गर्न सक्नेछन् ।
आइपिओको निष्कासन तथा बिक्री प्रवन्धकको रुपमा ग्लोबल आईएमई क्यापिटल लिमिटेड रहेको छ । । उक्त आईपिओमा न्यूनतम १० कित्ताका लागि एक हजार रुपैयाँदेखि अधिकतम एक लाख कित्ता अर्थात एक करोड कित्तासम्म आवेदन दिन सकिनेछ ।
सि आश्वाको साथै इलाममा शाखा रहेका सिद्धार्थ, नेपाल एसबिआई, माछापुच्छ्रे बैंकको शाखा कार्यालयहरु, लक्ष्मी बैंक चोकबजार, एभरेष्ट बैंक फिक्कल, सेञ्चुरी बैंक भानुपथ, ग्लोबल आईएमई फिक्कल र आयोजना स्थल इलाम नगरपालिका वडा नम्बर ९, १० बाट उक्त आईपिओमा आवेदन दिन सकिनेछ ।
कम्पनीले निष्काशन गर्ने आईपिओमा जेठ २८ गतेसम्म आवेदन गर्न सक्नेछन् भने सो समयमा आवश्यक आवेदन नपरेको खण्डमा भने असार १३ गतेसम्म उक्त आईपिओ खुला रहनेछ ।
