काठमाडौं । नेपाली सेनाले रिक्त रहेको विभिन्न पदका लागि आवेदन खुला गरेको छ । देशभरका विभिन्न स्थानमा रिक्त रहेका ४ हजार ५ सय पदका लागि सेनाले आवेदन खुल्ला गरेको हो ।
सेनाले एक सूचना जारी गर्दै आवेदन खुल्ला गरेको छ । उक्त सूचना अनुसार खुलातर्फ २ हजार ३५१ जना, सैन्य परिवारबाट २२५ जना, ३९० महिला, ६१७ जना आदिवासी जनजाति, ५४० मधेसी २८७ दलित र पिछडिएको क्षेत्रबाट ९० जनाको माग गरेको हो ।
२०८० बैशाख ८ गतेबाट आवेदन खुल्ला भएकोमा २०८० जेठ ७ गते बन्द हुनेछ । तर दोब्बर दस्तुर तिरेर जेठ १४ गतेसम्म आवेदन दिन सकिने छ ।
दरखास्त फाराम बुझाउँदा १५० रुपैयाँको दस्तुर तथा सोहि विज्ञापनमा एकभन्दा बढी समुहमा दरखास्त दिएमा प्रत्येक समुहको लागि २० प्रतिशतका दरले थप दस्तुर लाग्ने सूचनामा उल्लेख छ ।
