धितोपत्र बोर्डले पहिलो पटक खुलामुखी सामूहिक लगानी कोष योजना सञ्चालनको अनुमति दिएको छ । एनआईविएल क्यापिटलले खुलामुखी योजना सञ्चालनको अनुमति पाएको हो । कोषको प्रारम्भिक आकार ५० करोड रुपैयाँको रहनेछ । पहिलो चरणमा १२ करोड ५० लाख बराबरको ईकाईहरु सार्वजनिक निकाष्शन गरी विक्री गरिने भएको छ ।
२०६८ सालमा सामूहिक लगानी कोष नियमावली लागू भए पछि हालसम्म १६ अर्ब रुपैयाँ बराबरको १७ वटा बन्दमुखी योजना सञ्चालनमा रहेको छ ।
खुलामुखी योजनाको प्रवेशसँगै लगानीकर्ताहरुलाई लगानीका लागि नयाँ वित्तीय औजार उपलब्ध हुने र लगानी विविधीकरण गर्न सहयोग पुग्नुका साथै धितोपत्र बजारमा नयाँ आयाम थप हुने बोर्डकाले विश्वास लिएको छ ।
खुलामुखी सामूहिक कोषको विशेषताहरु
खुलामुखी योजना स्टक एक्सचेञ्जमा सूचीकरण हुँदैन भने धितोपत्र दलाल मार्फत कारोबार पनि हुँदैन । योजनाको खुद सम्पति मूल्यको आधारमा योजना व्यवस्थापकले नै योजनाको इकाईको खरिद विक्री सुविधा उपलब्ध गराउँने हुँदा लगानीकर्ताहरुले चाहेको बखत सहजै ईकाई खरिद विक्री गर्न सकिनेछ । खुलामुखी योजना निरन्तर चलि रहन्छ । ईकाई खरिद गर्दा कुनै शुल्क लाग्दैन । खुलामुखी योजनाको प्रति ईकाई मूल्य १० रुपैयाँ हुने र न्यूनत्तम एक हजार रुपैयाँसम्ममा ईकाई खरिद गर्न सकिनेछ । लगानीकर्ताहरुको माग अनुसार योजनाको अकार बृद्धि गर्न सकिने र नयाँ योजना समेत ल्याउँन सकिनेछ ।
