राष्ट्रिय बीमा कम्पनी लिमिटेडले बाराको परवानीपुर गाउँपालिकामा पुगेर हावाहुरीबाट प्रभावितहरुलाई राहत सामाग्री वितरण गरेको छ ।
कम्पनीका प्रमुख कार्यकारी अधिकृत डा। डिल्लीराज आचार्यसहित मुख्य व्यवस्थापक सुवास कोइराला, सुकल्याण पराजुली र शाखा कार्यालय विरगञ्जका कर्मचारीहरुलगायतको टोलीले पीडितहरूलाई खाद्यान्न सामाग्री वितरण गरेका हुन् ।
कर्मचारीहरुको २ दिनको तलब जम्मा गरेर ५० परिवारको लागि राहत सामाग्री प्रति परिवार १ बोरा चामल, ५ केजी दाल, ५ केजी चिउरा, नुन २ केजी, दालमोठ १ केजीका दरले वितरण गरिएको थियो ।
संस्थाको सामाजिक उत्तरदायित्व अन्तर्गत कम्पनीले पीडितहरुको लागि दुस्ख परेको बेला सहायता स्वरूप राहत वितरण गरिएको कम्पनीका व्यवस्थापक प्रमुख कोइरालाले बताए ।
कम्पनीले मुख्यमन्त्री राहत कोषमा वडा अध्यक्षको रोहवरमा एक लाख रुपैयाँ सहयोग गरेको पनि कोइरालाले बताए ।
