काठमाडौं । नेपाल स्टक एक्सचेञ्ज लिमिटेड (नेप्से) मा रिडी हाइड्रोपावर डेभलपमेन्ट लिमिटेडको शेयर सूचिकृत भएको छ ।
रिडी हाइड्रोपावर र रैराङ हाइड्रोपावरबीच भएको मर्जर पश्चात १ः०.९३ को अनुपातमा हुन आएको प्रति शेयर अंकित तथा चुक्ता मूल्य एक सयको दरले हुन आउने कुल १ करोड १० लाख ६३ हजार ५८० कित्ता शेयर नेप्सेमा सूचिकृत भएको हो । धितोपत्र सूचिकरण विनियमावली, २०७५ अनुसार शर्तहरु पालना गर्नुपर्ने गरि रिडी पावर कम्पनी लिमिटेडको नामबाट शेयर सूचिकृत गरिएको नेप्सेले जनाएको छ ।
