काठमाडौं । सर्वोत्तम सिमेन्ट र रिलायन्स स्पिनिङ मिल्सले पहिलो पटक बुक विल्डिङ विधिबाट आइपिओ निष्काशनका लागि नेपाल धितोपत्र बोर्डमा निवेदन दिएका छन् । दुबैले गत असार ३० गते नेपाल धितोपत्र बोर्डमा निवेदन दिएका थिए ।
सर्वोत्तमले २४ लाख कित्ता शेयर निष्काशनका लागि बोर्डमा निवेदन दिएको छ भने रिलायन्सले ७ लाख ७० हजार ६४० कित्ता शेयर निष्काशनका लागि निवेदन दिएको हो । सर्वोत्तमले योग्य संस्थागत लगानीकर्ताहरुका लागि सुरुमा ५०१ रुपैयाँदेखि ७५१ रुपैयाँको रेञ्जमा आह्वान गर्ने जनाएको छ । संस्थागत लगानीकर्ताले उक्त शेयर सकारेर न्युनतम बजार मूल्य निर्धारण भए पनि मात्रै सर्वसाधारणका लागि आइपिओ जारी हुनेछ ।
त्यस्तै रिलायन्सले पनि संस्थागत लगानीकर्ताको लागि ६०८ रुपैयाँदेखि ९१२ रुपैयाँको रेञ्जमा बोलकबोलका लागि आह्वान गर्नेछ । संस्थागत लगानीकर्ताले मूल्य निर्धारण गरेपछि मात्रै सर्वसाधारणका लागि शेयर निष्काशन हुनेछ । यो अभ्यास नेपालका लागि पहिलो हो । सर्वोत्तमले निवर्तमान धितोपत्र बोर्डका अध्यक्ष भिष्मराज ढुङ्गानाको छोरी तथा नेप्सेका सिइण चन्द्र सिंह साउदको श्रीमतिको नाममा शेयर बिक्री गरेको विषय वाहिर आए पछि जागिरबाटै हात धुनु परेको थियो । तर सर्वोत्तमले जसरी पनि बुक विल्डिङ विधिबाटै शेयर निष्काशन गर्ने भएको छ ।
