काठमाडौं । बुधबार नप्से सूचक ४.८९ अंकले सुधार हुँदा एक अर्ब ७३ करोड रुपैयाँको कारोबार भएको छ । आज सर्वाधिक धेरै शिवम् सिमेन्टको मात्रै १६ करोड ४२ लाख रुपैयाँको कारोबार भएको छ । विगत केहि दिनदेखि शिवम् सिमेन्टको शेयरमा लगानीकर्ताको सर्वाधिक आकर्षण देखिन्छ । जसले गर्दा कारोबार रकम र मूल्य दुबै बढिरहेका छन् ।
दोस्रो धेरै सर्वाधिक धेरै कारोबार हुनेमा हिमालयन डिष्ट्रिलरी रहेको छ । कम्पनीको शेयर ७ करोड ३१ लाख रुपैयाँको खरिद बिक्री भएको छ । तेस्रो धेरै कारोबार हुनेमा आइसिएफसी रहेको छ । यस फाइनान्सको शेयर ५ करोड ३१ लाख रुपैयाँको कारोबार भएको छ ।
सर्वाधिक धेरै कारोबार हुने कम्पनीहरुमा क्रमश गुराँस फाइनान्स, नेपाल पुनर्बीमा, एनआईसी एशिया बैंक, स्ट्याण्डर्ड चार्टर्ड बैंक, अरुण काबेली, अपि पावर र अपर तामाकोशी छन् ।
