काठमाडौं । राप्ती हाइड्रो एण्ड जनरल कन्स्ट्रक्सन लिमिटेडले आयोजना प्रभावित स्थानीयलाई निष्काशन गरेको आइपिओ बाँडफाँड गरेको छ । बिक्रि प्रबन्धक सिद्धार्थ क्यापिटलले हिजो बिहिबार शेयर बाँडफाँड गरेको कम्पनीले जनाएको छ ।
कम्पनीले जेठ २४ गतेदेखि असार १० गतेसम्म आयोजना प्रभावितलाई आइपिओ बिक्रि खुला गरेको थियो । कम्पनीले आयोजना प्रभावित क्षेत्र रुकुम पूर्वी जिल्ला र रुकुम पश्चिम जिल्लाका स्थानीयलाई शेयर निष्काशन गरेको हो ।
कम्पनीले यी जिल्लाका स्थानीयलाई आफ्नो जारी पुँजी ६१ करोड २७ लाख ९३ हजार ८ सय रुपैयाँको १० प्रतिशतले हुन आउने ६ लाख १२ हजार ७ सय ९३ कित्ता शेयर निष्काशन गरेको थियो ।
बिक्रि प्रबन्धक सिद्धार्थ क्यापिटलका अनुसार आइपीओमा आवेदन दिने योग्य आवेदकलाई ५ लाख ७५ हजार १ सय ७० कित्ता शेयर बाँडफाँड गरिएको छ । स्थानीयलाई बिक्रि नभएको ३७ हजार ६ सय २३ कित्ता सर्बसाधारणमा थपेर निष्काशन हुने छ ।
कम्पनीले नेपाल धितोपत्र बोर्डबाट आयोजना प्रभावित स्थानिय र सर्वसाधारणलाई गरि २९ करोड ४१ लाख ४१ हजार बराबरको २९ लाख ४१ लाख ४१ हजार कित्ता शेयर निष्काशनको लागि अनुमति पाएको हो ।
स्थानीयलाई शेयर निष्काशन गरि बाँडफाँड गरेपछि अब कम्पनीले सर्बसाधारणलाई शेयर निष्काशन गर्ने छ ।
