काठमाडौं । दोर्दी खोला जलविद्युत कम्पनीको आइपिओ बाँडफाँड सम्पन्न भएको छ । धितोपत्र निष्काशन तथा बिक्री प्रवन्धक सिद्धार्थ क्यापिटलका अनुसार अवकै केहि समयमा चार वटा साइटबाट आइपिओ बाँडफाँडको नजिजा हेर्न सकिनेछ ।
कम्पनीको आइपीओ नतिजा बिक्रि प्रबन्धक सिद्धार्थ क्यापिटलको वेबसाइट, सिडीएससीको मेरोशेयरको वेबसाइट, सिडीएससीले आइपीओको लागि संचालन गरेको वेबसाइटबाट र दोर्दी खोला जलविद्युत कम्पनीको वेबसाइटबाट हेर्न सकिनेछ ।
जसअनुसार जस अनुसार बिक्रि प्रबन्धक सानिमा क्यापिटलको वेबसाइट https://www.siddharthacapital.com/, सिडीएससीको मेरोशेयरको वेबसाइट http://meroshare.cdsc.com.np/#/login, सिडीएसले आईपिओको लागि संचालन गरेको वेबसाइट http://iporesult.cdsc.com.np/ बाट र विन्ध्यवासिनी हाइड्रोको वेबसाइट https://dordikhola.com.np/NewsMedia/Notice बाट हेर्न सकिने छ ।
आज भएको बाँडफाँडमा गोलाप्रथाबाट २ लाख एक हजार ९८६ जनाले शेयर प्राप्त गरेका छन् । उनिहरु मध्ये भाग्यशाली ९ जनाले थप एक कित्ता सहित ११ कित्ता शेयर प्राप्त गरेका छन् ।
कम्पनीले गत जेठ २६ गतेदेखि सर्वसाधारणका लागि आइपिओ निष्काशन गरेको थियो । कम्पनीले आयोजना प्रभावित क्षेत्रका बासिन्दाहरुलाई छुट्टाइएको शेयर बाँडफाँट गरी बिक्री हुन बाँकी रहेको २ लाख ९७ हजार ८४० कित्ता सहित गरी प्रतिकित्ता १०० अंकित दरका २१ लाख ९५ हजार ५०९ कित्ता साधारण शेयर निष्काशन गरेको थियो ।
निष्काशन गरिएको कुल शेयरमध्ये ३ प्रतिशत अर्थात ६५ हजार ८६५ कित्ता शेयर कम्पनीका कर्मचारीहरुलाई बाँडफाँड गरिएको छ । सामुहिक लगानी कोषलाई पनि ५ प्रतिशत अर्थात १ लाख ९ हजार ७७५ कित्ता शेयर बाँडफाँट गरिएको छ। सर्वसाधारण लगानीकर्ताले बाँकी २० लाख १९ हजार ८३९ कित्ता शेयरका लागि आवेदन दिएका थिए ।
जेठ ३१ गतेसम्म निष्काशन गर्दा १४ लाख ७० हजारको योग्य आवेदन परेको थियो । उनिहरुले एक करोड ६३ लाख कित्ताको लागि आवेदन दिएका थिए ।
आईपीओ निष्काशनका लागि गराएको रेटिङ्गमा इक्रा नेपाले कम्पनीलाई इक्राएनपी आईआर डबल बी माइनस रेटिङ्ग प्रदान गरेको छ । यसले दायित्व बहन गर्ने क्षमतामा औषत जोखिम रहेको संकेत गर्दछ ।
