काठमाडौं । नेपाल आयल निगमले पेट्रोलियम पदार्थको मूल्यमा भारी बृद्धि गरेको छ । आज निगमले एक सुचना जारी गर्दै डिजेल तथा मट्टीतेलमा प्रतिलिटर २७ रुपैयाँले र पेट्रोलमा प्रतिलिटर २१ रुपैयाँले मूल्य वृद्धि गरेको हो । आज राति १२ बजेदेखि लागु हुने गरी एक लिटर पेट्रोलको मूल्य १९९ रुपैयाँ, एक लिटर डिजेल र मट्टीतेलको मुल्य १९२ रुपैयाँ कायम गरेको छ ।
निगमले हवाई इन्धनमा पनि आन्तरिक तर्फ १९ रुपैयाँले वृद्धि गरी १८५ रुपैयाँ प्रतिलिटर पुर्याएको छ । हवाई इन्धनको बाह्यतर्फ भने १०० अमेरिकी डलरले मूल्यवृद्धि गरिएको जनाएको छ ।
