काठमाडौं । महिलाहरुलाई सक्षम र आत्मनिर्भर बनाउने उदेश्यका साथ १० दिने क्रिष्टल माला बनाउने तालिम सम्पन्न भएको छ । उक्त तालिम भने मोरङको सुन्दर हरैचा नगरपालिका ४ मा भएको हो ।
नगरभित्रका महिलाहरुलाई व्यवसायीक रुपमा दक्ष बनाई आर्थिक उपार्जन गर्ने उदेश्य सहित उक्त कार्यक्रमको आयोजना गरिएको थियो । उन्नति समाज नेपाल संस्थाले महिलाहरुलाई आर्थिक रुपमा आत्मनिर्भर बनाउन क्रिष्टल माला बनाउने तालिम सञ्चालन गरेको संस्थाका अध्यक्ष जानुका धमलाको भनाई छ । यस संस्थाले महिला शसक्तिकरणलाई प्राथमिकतामा राखि काम गर्दै आइरहेको उनले बताईन ।
