काठमाडौं । आगामी आर्थिक वर्ष २०७९,८० को बजेटबारे मिडियाले तथ्यहिन समाचार प्रचार गरेको भन्दै अर्थमन्त्रालयले असन्तुष्टि व्यक्त गरेको छ मन्त्रालयले सम्बन्धित निकायको आधिकारीक भनाई बिना नै प्रसारण गरिएको मध्यराति बजेटमा जब चुकुल लाग्यो शिर्षकमा छापिएको समाचारप्रति असन्तुष्ट व्यक्त गर्दै सूचना जारी गरेको हो ।
उक्त समाचारमा अर्थमन्त्री जनार्दन शर्माले जेठ १५ मा प्रस्तुत गरिएको बजेटमा कथित विज्ञले अन्तिम रुप दिएको भनि उल्लेख गरिएको छ । सो समाचार तथ्यहिन भएको र अर्थमन्त्री स्वयम जेठ १ गतेदेखि नै बजेटका लागि खटिएको जनाएको छ ।
सूचना अनुसार बजेट सम्बधि राय सुझाव संकलन गर्ने र प्रत्येक विहान ७ः३० देखि राति अवेरसम्म अर्थमन्त्री स्वयम खटेर विज्ञ टोलीको उपस्थितिमा तयार पारिएको उल्लेख गरिएको छ ।
