काठमाडौं । नेपाल हाइड्रो डेभलोपरले असार १३ गते विशेष साधारण सभा गर्ने भएको छ । कम्पनीको जेठ २५ गतेको सञ्चालक समितिको बैठकले कावेरी इन ज्ञानेश्वर, काठमाडौंमा बिहान ११ बजे सभा गर्ने निर्णय गरेको हो ।
सभाले नियमावलीका विभिन्न बुँदाहरु संशोधनको प्रस्ताव सभाका लागि तय गरेको छ । कम्पनीको नियमावली संशोधनको सम्बन्धमा नियमनकारी निकायको सुझावका आधारमा गर्नुपर्ने कामको पूर्ण जिम्मेवारी सञ्चालक समितिलाई दिने निर्णय सभाले गर्नेछ ।
सभा प्रयोजनका लागि असार २ गते बुक क्लोज गर्ने तयारी कम्पनीको छ । बुक क्लोजको अधारमा असार १ गतेसम्म कायम शेयरधनीहरू मात्र सभामा भाग लिन सक्नेछन् ।
