काठमाडौं । आज साताको दोस्रो दिन पनि शेयर बजारमा गिरावट आएको छ । आज शेयर बजार नेप्से परिसूचक ४५ दशमलव ५९ अंकले घटेर २,०२० दशमलव २३ को विन्दुमा कायम भएको छ । आज १५ वटा कम्पनीको शेयर मुल्य बढेको छ भने १८१ कम्पनीको शेयर मुल्य घटेको छ । आज सबै उपसूचकमा गिरावट आएको छ ।
आज २३४ कम्पनीको ३८ लाख ८७ हजार ७४८ कित्ता शेयर किनबेच हुँदा १ अर्ब ३१ करोड २८ लाख ६ हजार रुपैयाँको शेयर कारोबार भएको छ । आज सबैभनदा धेरै एनआइसी एशिया बैंकको शेयर कारोबार भएको छ । बैंकको ६ करोड ११ लाख रुपैयाँको शेयर कारोबार भएको छ । कुमारी बैंकको ५ करोड ८८ लाख रुपैयाँको शेयर कारोबार भएको छ ।
त्यस्तै, हिमालयन डिष्टिलरीको ३ करोड ७५ लाख रुपैयाँको शेयर कारोबार भएको छ । शिवम् सिमेन्टको ३ करोड २० लाख रुपैयाँको शेयर कारोबार भएको छ । नविल बैंकको २ कोड ९० लाख रुपैयाँको शेयर कारोबार भएको छ ।
आज सबैभन्दा धेरै उपकार लघुवित्तका लगानीकर्ताले कमाएका छन् । कम्पनीका लगानीकर्ताले १० प्रतिशतका दरले कमाएका छन् । वलेफी हाइड्रोपावर कम्पनीका लगानीकर्ताले ९ दशमलव ९८ प्रतिशतका दरले कमाएका छन् । माउन्टेन हाइड्रोपावर कम्पनीका लगानीकर्ताले ३ दशमलव ८२ प्रतिशतका दरले कमाएका छन् ।
त्यसैगरी आज सबैभन्दा धेरै हिमालयन बैंकका लगानीकर्ताले गुमाएका छन् । बैंकका लगानीकर्ताले ९ दशमलव ९७ प्रतिशतका दरले गुमाएका छन् ।
