काठमाडौं । शेयर बजारका लगानीकर्ताले आज अपरान्ह तीन बजे नेपाल स्टक एक्सचेन्जको कार्यालयमा प्रदर्शन गर्ने भएका छन् । पूँजी बजार सुधार र विस्तारका लागि गठित संघर्ष समितिले १९ बुँदे माग राख्दै आन्दोलन गरिरहेका छन् ।
संघर्ष समितिका संयोजक तिलक कोइरालाले अगाडी सारेका माग प्रति वेवास्ता गरेको भन्दै लगानीकर्ताहरु आन्दोलनमा उत्रिएका हुन् । यदि सरोकारवाला निकायले माग पुरा नगरेर संयोजक कोइरालाले असार एक गतेदेखि आमरण अनसन बस्ने घोषणा गरेका छन् । कोइराला यस अगाडी पनि आमरण अनसन बसेका थिए ।
