काठमाडौं । शेयर बजार २ हजारको लाइनमा झरेको छ । बजार लगातार तल झर्ने क्रममा शुक्रवार समाचार तयार पार्दासम्म नेप्से सूचक २०९३ अंकमा झरेको छ । आज भन्दा एक वर्ष ५ महिना तीन दिन अगाडी नेप्से सूचक २०८७ थियो ।
शेयर बजार गत भदौ २ गते सर्वाधिक उचाइमा पुगेर तल झर्न थालेको थियो । जति वेला नेप्से सूचक ३१९९ अंक थियो । अहिलेसम्ममा ११०४ अंकले घटिसकेको छ । कोभिड १९ ले बढेको शेयर बजार कोभिड १९ ले ध्वस्त बनाएको अर्थतन्त्रका कारण घटिरहेको छ ।
बैंकिङ तरलता नहुँदा बैंकहरुले नयाँ कर्जा प्रवाह गर्न सकिरहेका छैनन् । असार सम्ममा बैंकहरु सिडी रेसियो ९० प्रतिशतमा झार्नै पर्ने दवावमा छन् । ठुला लगानीकर्ताहरुले शेयर बजार अधिकतम विन्दुमा पुग्दै बाहिरिसकेका छन् । शेयर बजारबाट बाहिन नसकेका लगानीकर्ताहरुको अर्बौ रुपैयाँ फसिसकेको छ । अहिले कोहि पनि नयाँ लगानी गर्न सक्ने अवस्थामा छैनन् । अव ठुला लगानीकर्ताहरु बजार प्रवेश नगरुन्जेल सुधार हुने संकेत देखिदैन ।
