काठमाडौं । सरकारले कृषिलाई आर्थिक बृद्धिको बलियो आधारका रुपमा विकास गर्ने नीति लिएको छ । राष्ट्रपति विद्यादेवी भण्डारीले आज आर्थिक वर्ष ०७९/८० का लागि सरकारको नीति तथा कार्यक्रम प्रस्तुत गर्दै कृषिलाई आर्थिक वृद्धिको बलियो आधारका रुपमा विकास गर्ने नीति लिएको बताएकी छिन् ।
उनले कार्यक्रममा अर्ग्यानिक खेतीका लागि लगानी प्रवर्द्धन गर्ने, जलवायु परिवर्तनका असरलाई धान्न सक्ने बालीको अनुन्सधानमा लगानी गर्ने, बाँझो जग्गा सदुपयोग गरी सामूहिक र सहकारी खेती प्रणालीलाई प्रोत्साहित गर्ने लगायतका नीति लिएको बताएकी छिन् ।
कृषिमा सूचना प्रविधिको प्रयोग बढाउने, कृषकले उत्पादन गरेको वस्तु खरीद गर्ने व्यवस्था मिलाउने व्यवस्था गरिने छ ।
